BEMI-ĉemizoj

Akireblaj de ĉiuj (sportemaj) esperantistoj !

Ni tre kontentis pri niaj klubaj biciklaj ĉemizoj dum nia pli ol du-jara ĉirkaŭmonda vojaĝo kaj ni uzis ilin preskaŭ ĉiutage, ofte ĉe fortega suno kun tre bona rezisto de la originalaj koloroj. Ili tiom praktikas pro la brusta poŝo, ke ni ofte uzis ilin ankaŭ dum niaj piedaj vizitoj kaj ekskursoj. Kaj ili paroligis pri Esperanto...

Post elĉerpiĝo de la unua serio, ni nun refabrikigis duan serion kaj ankaŭ vi povas akiri ilin.

Du versioj disponeblas, kun mallongaj manikoj je 39 eurojn kaj longaj manikoj je 43 eurojn. Ties kvalito pli bonas ol la plejmulto de ĉemizoj aĉeteblaj en vendejoj: la teksaĵo pli dikas kaj konsekvence pli robustas kaj ankaŭ iomete pli varmas; la longmanika modelo eĉ povas esti utiligita kiel maldika jaketo.

Tiuj ĉemizoj komplete malfermeblas per zipo. Ili komportas tri tradiciajn dorsajn poŝojn plus unu surkoran kun zipo en kiun eblas sekure enmeti identigilon aŭ fotilon. Tion precipe aprezos kuŝbiciklistoj.

Por elekti vian ĉemizan mezuron, konsultu la mezurtabulon eldonitan de la firmao Noret. Ĉiuj mezuroj estas en centimetroj.

La staturo (alteco) ne tiom gravas kaj estas indikita verŝajne por aliaj vestoj, kiel eble pantalonoj kun ŝelkoj. La ĉefaj mezuroj estas la brusta kaj la pelva rondoj (ĉirkaŭoj).

La ĉi-tieaj manekenoj ne venas de Noret; ili do ne estas oficiale agnoskitaj de la entrepreno. Ni trovis ilin en Intereto kaj ni metis ilin por indiki kiel / kie mezuri. Klaku sur ilin por pligrandigi ilin.

Se vi hezitas inter du mezuroj, laŭ ni, pli saĝe estas preni la pli grandan. Tiu konsilo eĉ pli taŭgas pri longmanikaj ĉemizoj, konsiderante la fakton, ke vi eble portos la vian super mallonga, kiel jaketon.

Mallongmanika ĉemizo kostas 39 €, longmanika 43 €. Al tio, necesas aldoni sendokostojn (poŝto plus koverto), kiu dependas de la kvanto da ĉemizoj, de la lando kie vi loĝas, kaj de la eventuale dezirata poŝta asekuro.

Kelkaj ekzemploj de sendokostoj

	1 (mal)longa	1 mallonga + 1 longa
Francio + Andoro + Monako	7,00 €	7,50 €
Ceteraj E.U.-landoj + Svislando + Liĥtenŝtejno + Sanmarino + Vatikano	16,50 €	16,50 €
Ceteraj Eŭropaj landoj (inkluzive de Islando, Turkio kaj Rusio) + Alĝerio + Maroko + Tunizio	21,00 €	21,00 €
Cetera Afriko + Mezoriento + Kanado + Usono	25,50 €	25,50 €
Ceteraj landoj	28,00 €	28,00 €

La poŝtaj tarifoj regule ŝanĝisĝas. Bonvolu kontakti nin por certiĝi pri sendo-kostoj.

Por pli da informoj kaj por mendi, bonvolu kontakti nin.

Mezuro de la firmao Noret	2	3	4	5	6
Ekvivalenta mezuro	S	M	L	XL	XXL
Brusta rondo	90-94	94-98	98-102	102-106	106-110
Pelva rondo	88-92	92-96	96-100	100-104	104-108
Staturo	164-170	170-176	176-182	170-176	176-182

Biciklaj ĉemizoj

de la klubo BEMI

Kelkaj ekzemploj de sendokostoj